မြိုင်၊ ညောင်တွင်း အနောက်ရွာကို စစ်တပ် မီးရှို့ဖျက်ဆီးမှု နေအိမ် ၃၂ လုံးပြာကျ
ရန်ကုန်၊ ဧပြီ ၂၄
မကွေးတိုင်း၊ မြိုင်မြို့နယ်၊ ညောင်တွင်း အနောက်ရွာကို အကြမ်းဖက် စစ်တပ် မီးရှို့ ဖျက်ဆီးမှုကြောင့် နေအိမ် ၃၂ လုံးပြာကျခဲ့ကြောင်း မြိုင်မြို့-နွေဦးတော်လှန်ရေး အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဧပြီ ၂၄ ရက်နေ့ နံနက် ၇:၀၀ ခန့်တွင် အကြမ်းဖက် စစ်တပ်က မြိုင်မြို့နယ်၊ ညောင်တွင်း အနောက်ရွာကို ဝင်ရောက် စီးနင်းပြီး ပြည်သူပိုင် နေအိမ် ၃၂ လုံးကို မီးရှို့ ဖျက်ဆီးခဲ့ကြောင်း သိရသည်။
” ပြည်သူတွေ ထိခိုက်မှု ရှိမရှိတော့ အတည်မပြုနိုင်သေးဘူး။ နေအိမ် ၃၂ လုံးမီးလောင် ပြာကျတယ်လို့ သိရတယ်” ဟု မြိုင်မြို့-နွေဦးတော်လှန်ရေး အဖွဲ့မှ တာဝန်ရှိသူ တစ်ဦးက ပြောဆိုသည်။
