မရမ်းကုန်းမြို့နယ်တွင် ကျောင်းသားလူငယ်များက “တော်လှန်မလား ကျွန်ခံမလား” စာတန်း ချိတ်ဆွဲပြီး စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်
ရန်ကုန်၊ မတ် ၅
ရန်ကုန်မြို့၊ မရမ်းကုန်းမြို့နယ်တွင် အခြေခံပညာ ကျောင်းသားလူငယ်များ အစည်းအရုံး (အကလ-မြေပြင်) မှ ဦးဆောင်ကာ အ.မ.က ၁၇ ကျောင်းရှေ့တွင် “တော်လှန်မလား ကျွန်ခံမလား” စာတန်းချိတ်ဆွဲပြီး စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်ခဲ့ကြောင်း သိရသည်။
ထို့ပြင် ကျောင်းသား လူငယ်များက ကျောင်းရှေ့တွင် ဆေးနီများ ပတ်ဖြန်းခဲ့ကြောင်း၊ ယခု လှုပ်ရှားမှုသည် စစ်မှုထမ်း ဥပဒေသည် အိမ်တံခါးဝ၊ ကျောင်းတံခါးဝထိပင် ရောက်ရှိလာပြီဖြစ်ပြီး ရွေးချယ်ရန်တစ်လမ်းတည်းသာကျန်ရှိခြင်း အဓိပ္ပါယ်ဖြင့် “တော်လှန်မလား ကျွန်ခံမလား” စာသားပါဝင်သော ကျောင်းအင်္ကျီများအားချိတ်ဆွဲခဲ့ကြခြင်းဖြစ်ကြောင်း သိရှိရသည်။
![](https://yktnews.com/wp-content/uploads/2024/03/431622959_764052029155739_7775551747891143036_n.jpg)
![](https://yktnews.com/wp-content/uploads/2024/03/430914835_764051959155746_1373895949371796059_n.jpg)
![](https://yktnews.com/wp-content/uploads/2024/03/431754929_764052089155733_8931559556743678755_n.jpg)