29 C
Yangon

ရွာငံတွင် စစ်ကြောင်းကို မိုင်းဆွဲမှု ဖြစ်ပွားပြီးနောက် စစ်တပ်က ပြည်သူ ၅ ဦးကို ဖမ်းဆီးကာ ဘုန်းကြီးကျောင်း အလှူခံပုံး အပါအဝင် နေအိမ်များကို ဖောက်ထွင်း၍ ပိုက်ဆံနှင့် တန်ဖိုးကြီး ပစ္စည်းများ စစ်သားများက လုယက်

Must read

ရန်ကုန်၊ မတ် ၂၆

ရှမ်းပြည်တောင်ပိုင်း၊ ရွာငံမြို့နယ်တွင် စစ်တပ် စစ်ကြောင်းကို မိုင်းဆွဲတိုက်ခိုက်မှု ဖြစ်ပွားပြီးနောက် စစ်သားများက မိုင်းဆွဲခံရသည့်နေရာ အနီးအနားရှိ ညောင်ပင်သာရွာမှ ပြည်သူ ၅ ဦးကို ဖမ်းဆီးသွားကြောင်း CRC – PLA တပ်ဖွဲ့မှ သတင်းနှင့် ပြန်ကြားရေး တာဝန် ခံက ရန်ကုန်ခေတ်သစ်သတင်းဌာနထံသို့ ပြောကြားသည်။

မတ်လ ၁၅ ရက်နေ့တွင် ရွာငံမြို့မှ ထွက်လာသော အကြမ်းဖက်စစ်တပ်စစ်ကြောင်းနှင့် ပြင်ညောင် ဘက်မှ ထွက်လာသော အကြမ်းဖက်စစ်သားများများကို မတ်လ ၁၅ ရက်နေ့တွင်တစ်ကြိမ်၊ မတ်လ ၁၇ ရက်နေ့တွင် တစ်ကြိမ်နှင့် မတ်လ ၂၁ နေ့တွင် တစ်ကြိမ် ပြည်သူ့ကာကွယ်ရေးတပ်ဖွဲ့ဝင်များက မိုင်းဆွဲ၊ ပစ်ခတ်တိုက်ခိုက်ခဲ့ရာ အကြမ်းဖက်စစ်သား ၇ ဦးသေဆုံးပြီး ၂၁ ဦးဒဏ်ရာရရှိခဲ့ကြောင်း၊ ထို့အပြင်‌ ပြည်သူ့ကာကွယ်ရေးတပ်ဖွဲ့ဝင်တစ်ဦးလည်း ကျဆုံးခဲ့ကြောင်း သိရသည်။

“တပ်မ ၅၆ နဲ့ တပ်မ ၉၉ က စစ်ခွေးတွေ၊ ရွာငံကတစ်ကြောင်းနဲ့ ပြင်ညောင်ဘက်က စစ်ကြောင်း၊ စစ်ကြောင်းနှစ်ကြောင်းနဲ့ ထိုးလာတာ၊ အင်အားက ၁၉၀ လောက်ရှိမယ်၊ ကျောက်တောရွာနဲ့ ညောင် ပင်သာရွာကျေးရွာ ၂ ရွာလုံးက ဘုန်းကြီးကျောင်းရော၊ နေအိမ်တွေရော အကုန်လုံးဖောက် ထွင်းခိုးယူ သွားတာ၊ ညောင်ပင်သာရွာက စစ်ကြောင်းဆိုရင် စစ်ဘေးရှောင်ပြည်သူ ၅ ဦး ကို ဖမ်းဆီးထားပြီး တော့ အခုထိမထွက်သေးဘူး၊ ဘယ်လောက်ပါသွားလဲဆိုတာလည်း မခန့်မှန်းနိုင်သေးဘူး၊ တန်ဖိုး ကြီး ပစ္စည်းတွေပဲယူသွားတာ” ဟု CRC – PLA တပ်ဖွဲ့မှ သတင်းနှင့် ပြန်ကြားရေး တာဝန်ခံက ရန်ကုန်ခေတ်သစ်သတင်းဌာနထံသို့ ပြောကြားသည်။

ယင်းအကြမ်းဖက်စစ်သားများသည် ရွာငံမြို့နယ်၊ ညောင်ပင်သာကျေးရွာအတွင်းဝင်ရောက်ပြီး စစ် ဘေး ရှောင်နေသော အသက်ကြီးပိုင်း ပြည်သူ ၅ ဦးကို ဓားစာခံဖမ်းဆီးထားကာ ဘုန်းကြီးကျောင်း အတွင်းရှိ အလှူခံပုံးများအပါအဝင် တန်ဖိုးရှိပစ္စည်းများကို ဖောက်ထွင်းခိုးယူခြင်း၊ ပြည်သူပိုင်နေ အိမ် များ အတွင်းရှိ တန်ဖိုးရှိပစ္စည်းများကို ဖောက်ထွင်းခိုးယူခြင်းတို့ လုပ်ဆောင်ခဲ့ကြောင်း သိ ရသည်။

ထို့ပြင် ရွာငံမြို့နယ်၊ ရနဲအုပ်စု၊ ကျောက်တောကျေးရွာ ဘုန်းကြီးကျောင်းနှင့် ပြည်သူ့နေအိမ်များ အတွင်းရှိ ပစ္စည်းများကို ဖောက်ထွင်းခိုးယူကာ ပန်းလောင်မြစ်ထဲသို့ ဆင်းသွားကြောင်း၊ ယင်းအ ကြမ်း ဖက်စစ်တပ် စစ်ကြောင်းများမှာ တပ် ၅၅ နှင့် တပ် ၉၉ မှ စစ်သားများဖြစ်ကြောင်း သိရသည်။

“တိုက်ပွဲကလည်း မထင်မှတ်ဘဲဖြစ်သွားတာ၊ အဲဒီရွာ ၂ ရွာက တိုက်ပွဲဖြစ်မယ်မထင်ထားဘူး၊ မထင် မှတ်ပဲရောက်လာတာ၊ ဘာပစ္စည်းမှ မယူနိုင်ပဲ ထွက်ပြေးနေကြရတာ၊ ကျနော်တို့နေရာက မိတ္ထီလာ လေတပ်နဲ့အရမ်းနီးတဲ့နေရာဖြစ်တော့ သူတို့က‌တော်တော်လေးအာရုံစိုက်လုပ်တာ၊ ပကဖတွေက လည်း ပစ္စည်းတွေရှိပြီး စစ်ကူလည်း မပေးတော့ ကျနော်တို့တော်တော်လေးအဆင်မပြေဘူး၊ တော် လှန်ရေးအဖွဲ့အစည်းတွေအနေနဲ့ ပူးပေါင်းစစ်ဆင်ရေး မဆင်နွှဲနိုင်ရင် အောင်မြင်ဖို့ ဝေးနေ အုံးမှာပါ” ဟု CRC – PLA တပ်ဖွဲ့မှ သတင်းနှင့် ပြန်ကြားရေး တာဝန်ခံက ပြောဆိုသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar #စစ်ကြောင်းကို မိုင်းဆွဲ #ဘုန်းကြီးကျောင်း #တန်ဖိုးကြီး ပစ္စည်းများ

- Advertisement -spot_img

More articles

- Advertisement -spot_imgspot_imgspot_imgspot_img

Latest article