ဩစတြေးလျတွင် ကျင်းပသည့် ကမ္ဘာ့ကျန်းမာရေး ထိပ်သီးအစည်းအဝေးသို့ NUG ကျန်းမာရေးနှင့်ပညာရေးဝန်ကြီး ပါမောက္ခ ဒေါက်တာဇော်ဝေစိုး တက်ရောက်
ရန်ကုန်၊ ဧပြီ ၂၅
ဩစတြေးလျနိုင်ငံ၊ မဲလ်ဘုန်းမြို့တွင် ဧပြီလ ၂၂ ရက်နေ့မှ ဧပြီလ ၂၄ ရက်နေ့ အထိ ကျင်းပပြုလုပ်ခဲ့သည့် သည့် ကမ္ဘာ့ကျန်းမာရေး ထိပ်သီးအစည်းအဝေးသို့ အမျိုးသားညီညွတ်ရေးအစိုးရ- NUG ကျန်းမာရေးနှင့်ပညာရေးဝန်ကြီး ပါမောက္ခ ဒေါက်တာဇော်ဝေစိုး တက်ရောက်ခဲ့ကြောင်း သိရှိရသည်။
အဆိုပါ အစည်းအဝေးကို Monash တက္ကသိုလ်က ဦးဆောင်ကျင်းပခြင်းဖြစ်ပြီး ၃ ရက်ကြာအစည်းဝေးတွင် ကမ္ဘာလုံးဆိုင်ရာ ကျန်းမာရေးနှင့်ဆက်စပ်နေသော ရာသီဥတု၊ ပထဝီဝင်နိုင်ငံရေး၊ တိုးတက်လာသော လူမှုအဖွဲ့အစည်းနှင့် ကမ္ဘာလုံးဆိုင်ရာ ကျန်းမာရေးကိစ္စများကို ၃ ရက်အကြာ ဆွေးနွေးခဲ့ကြကြောင်း သိရှိရသည်။
