သြစတြေးလျနိုင်ငံ မဲလ်ဘန်းမြို့တွင် NUG ဝန်ကြီး ဒေါ်ဇင်မာအောင်နှင့် လူထုတွေ့ဆုံပွဲ ပြုလုပ်
ရန်ကုန်၊ ဇွန် ၃၀
သြစတြေးလျနိုင်ငံ မဲလ်ဘန်းမြို့တွင် အမျိုးသားညီညွတ်ရေးအစိုးရ၊နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဒေါ်ဇင်မာအောင်နှင့် လူထုတွေ့ဆုံပွဲကို ဇွန်လ ၂၈ ရက်နေ့တွင် ပြုလုပ်ခဲ့ကြောင်း သိရှိရသည်။
အဆိုပါ အခမ်းအနားသို့ လူ့အခွင့်အရေးဝန်ကြီးဌာန၊ ဒုတိယဝန်ကြီး၊ခွန်းဗဟန်းထန် လည်းပါဝင်တက်ရောက်ခဲ့ပြီး တက်ရောက်လာသော တိုင်းရင်းသားပြည်သူများက နွေဦးတော်လှန်ရေးနှင့်စပ်လျဉ်း၍ သိရှိလိုသည်များအား မေးမြန်းခဲ့ပြီး ပြည်ထောင်စုဝန်ကြီး နှင့်အဖွဲ့က ရင်းနှီးပွင့်လင်းစွာ အပြန်အလှန်ဆွေးနွေးပြောကြားခဲ့ကြောင်း၊ တိုင်းရင်းသားအက အလှများ၊ တော်လှန်ရေးသီချင်းများဖြင့်လည်း ဖျော်ဖြေခဲ့ကြောင်း သိရှိရသည်။
