တောင်ကိုရီးယားနိုင်ငံ ဆိုးလ်မြို့ ဂါန်ဘွတ်မြို့နယ် အမတ် ဥက္ကဋ္ဌ အပါအဝင် အမတ်များက မြန်မာ့ ဒီမိုကရေစီအရေးကို ထောက်ခံ အားပေးကြောင်း စုပေါင်းထုတ်ပြန်
ရန်ကုန်၊ ဩဂုတ် ၂၈
တောင်ကိုရီးယားနိုင်ငံ ဆိုးလ်မြို့ ဂါန်ဘွတ်မြို့နယ် အမတ် ဥက္ကဋ္ဌ အပါအဝင် အမတ်များက မြန်မာ့ ဒီမိုကရေစီအရေးကို ထောက်ခံ အားပေးကြောင်း ဩဂုတ်လ ၂၇ ရက်နေ့တွင် စုပေါင်းထုတ်ပြန်ခဲ့ကြောင်း နွေဦးတော်လှန်ရေးတက်ကြွလှုပ်ရှားသူ ဒယ်ဂူဘုန်းဘုန်းက မိန့်ကြားသည်။
တောင်ကိုရီးယားနိုင်ငံဆိုးလ်မြို့ဒီမိုကရက်တစ်ပါတီဗဟိုနှင့်ဆိုးလ်ယဉ်ကျေးမှုပေါင်းစုံကော်မတီဒုဥက္ကဌမြန်မာပြည်ဖွားအီဘွန်နာ၏ဆောင်ရွက်မှုဖြင့် ဩဂုတ်လ ၂၀ရက်နေ့တွင် ကိုရီးယားနိုင်ငံ ဆိုးလ်မြို့ ဂါန်ဘွတ်မြို့နယ် အမတ် ဥက္ကဋ္ဌ မာဒမ် ကင်းမြောင်းဟီနှင့် မြန့်အရေးလှုပ်ရှားသူများ တွေ့ဆုံဆွေးနွေးပြီးနောက် ကင်မြောင်ဟီး အမတ်က ဆွေးနွေးချက်များကို မြို့နယ် အမတ် အစည်းအဝေးတွင် တင်ပြ ဆွေးနွေးပါမည်ဟု ကတိပေးထားသည့်အတိုင်း ဩဂုတ်လ ၂၇ ရက်တွင်မူ ဂါန်ဘွတ်မြို့နယ် အမတ်များ စုပေါင်း၍ မြန်မာ့ ဒီမိုကရေစီအရေးကို ထောက်ခံ အားပေးကြောင်း ထုတ်ပြန်ခဲ့ကြခြင်း ဖြစ်ကြောင်း သိရှိရသည်။
