ရန်ကုန်၊ ဧပြီ ၂
ရှမ်းပြည်နယ်မြောက်ပိုင်း၊ နောင်ချိုမြို့နယ်၊ ဆမ္မဆယ်ကျေးရွာကို စစ်တပ်က ဒရုန်းဖြင့် ဗုံးကျဲမှု ပြည်သူ ၁ ဦး သေဆုံးကြောင်း TNLA က သတင်းထုတ်ပြန်သည်။
ယမန်နေ့ ဧပြီလ ၁ ရက်နေ့ ညနေ ၄ နာရီ ၂၀ မိနစ်အချိန် စစ်ကောင်စီတပ်က သဲခေါ်ကျေးရွာမှနေပြီး ဆမ္မဆယ်ကျေးရွာသို့ ဒရုန်းဖြင့် ၁ ကြိမ် လာရောက်ဗုံးကျဲချတိုက်ခိုက်ခဲ့ကြောင်း၊ ထိုသို့ဗုံးကျရောက်ပေါက်ကွဲမှုကြောင့် ဒေသပြည်သူတစ်ဦး သေဆုံးသွားခဲ့ပြီး နေအိမ်တစ်လုံးလည်း ထိမှန်ပျက်စီးခဲ့ကြောင်း သိရှိရသည်။
အလားတူ မတ်လ ၃၁ ရက်နေ့ကလည်း စစ်ကောင်စီတပ်က ၁၂၀ မမ ဗုံးသယ်ဆောင်လာသည့်ဒရုန်းဖြင့် နောင်ချိုမြိုနယ် ကျောက်ကြမ်းကျေးရွာသို့ ဗုံးကျဲတိုက်ခိုက်ခဲ့ကြောင်း ၊ မတ်လ ၂၈ ရက် မွန်းလွဲ ၁ နာရီ ၀၅ မိနစ်အချိန် နောင်လင်ကျေးရွာအတွင်းသို့ စစ်ကောင်စီတပ်၏ ဂျက်ဖိုက်တာဖြင့် ပေါင် ၂၅၀ ဗုံး ၂ လုံး လာရောက်ကျဲချခဲ့ကြောင်း သိရှိရသည်။
ဓာတ်ပုံ – အကြမ်းဖက်စစ်တပ် အသုံးပြုနေသော တိုက်ခိုက်ရေးဒရုန်းတစ်စီး။ (ပုံအဟောင်းဖြစ်ပါသည်။)
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
