ထိုင်းနိုင်ငံ၊ ကန်ချနဘူရီခရိုင်တွင် တရားမဝင် မြန်မာနိုင်ငံသား ၁၂ ဦးနှင့် မြန်မာကားသမားတို့ကို ထိုင်းအာဏာပိုင်များက ဖမ်းဆီးရရှိကြောင်း ထိုင်းသတင်းများအရ သိရှိရသည်။
ယနေ့ အောက်တိုဘာလ ၁၂ ရက်နေ့ နံနက် ၉ နာရီအချိန် ထိုင်းနိုင်ငံ၊ ကန်ချနဘူရီမြို့ ၊ စစ်ဆေးရေးဂိတ်တွင် ဟွန်ဒါအမျိုးအစား ကား ၁ စီးကို ထိုင်းအာဏာပိုင်များက တားဆီးစစ်ဆေးရာ တရားမဝင် ဝင်ရောက်လာသော မြန်မာရွှေ့ပြောင်း အလုပ်သမား ၁၂ ဦး ကို တွေ့ရှိခဲ့ရပြီး မြန်မာနိုင်ငံသား ၁၂ ဦးတွင် အမျိုးသား ၉ ဦးနှင့် အမျိုးသမီး ၃ ဦးတို့ဖြစ်ပြီး ယာဉ်မောင်းမှာလည်း မြန်မာနိုင်ငံသား ၁ ဦးဖြစ်ကြောင်း၊ ယာဉ်မောင်းက ၁ ဦးလျှင် ထိုင်းဘတ် ၂၀၀၀ နှုန်းဖြင့် ငွေယူပို့ဆောင်ခဲ့ပြီး ယခု ပို့ဆောင်မှုမှာ ဒုတိယအကြိမ်ဖြစ်ကြောင်း သိရှိရသည်။
ထို့ကြောင့် မြန်မာနိုင်ငံသား ၁၂ ဦး နှင့် မြန်မာနိုင်ငံသား ယာဉ်မောင်း နိုင်လင်းထက် (၃၃ နှစ်) တို့ကို ထိုင်းအာဏာပိုင်များက ဖမ်းဆီးခဲ့ပြီး အမှုဖွင့်ထားခဲ့ကြောင်း၊ ယာဉ်မောင်း၏ ကားမှာလည်း ငှားရမ်းထားသော ကားဖြစ်ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
