ပြည်သူအားလုံး ပါဝင်နိုင်မည့် “အောင်သပြေ လူထုလှုပ်ရှားမှုကြီး” နိုဝင်ဘာ ၁၁ ရက်နေ့ပြုလုပ်မည်

ပြည်သူအားလုံး ပါဝင်နိုင်မည့် “အောင်သပြေ လူထုလှုပ်ရှားမှုကြီး” နိုဝင်ဘာ ၁၁ ရက်နေ့ပြုလုပ်မည်

ရန်ကုန်၊ နိုဝင်ဘာ ၈

ပြည်သူ အားလုံးပါဝင်နိုင်မည့် “အောင်သပြေ လူထုလှုပ်ရှားမှုကြီး”ကို ၁၁၁၁ (၁ လေးလုံး) နေ့ဖြစ်သည့် နိုဝင်ဘာ ၁၁ ရက်နေ့တွင် ပြုလုပ်မည် ဖြစ်ပြီး အဆိုပါ နေ့တွင် ပြည်သူများက အောင်အတိတ် အောင်နိမိတ် ဆောင်မည့် သပြေပန်းကို အသုံးပြု၍ ပါဝင်နိုင်ကြမည် ဖြစ်ကြောင်း ကမ်ပိန်း စီစဥ်သူများထံမှ သိရှိရသည်။

ပြည်သူများက သပြေပန်းကို ပန်ဆင်ခြင်း၊ ရင်တွင် ထိုးခြင်း၊ ကိုင်ဆောင်ခြင်း၊ ဘုရားတွင် တင်ခြင်း၊ လှူခြင်း၊ စားပွဲမှာ တင်ခြင်း၊ အိမ်ရှေ့ ကပ်ဆွဲခြင်း၊ သပြေပန်း ကိုင်ဆောင်ပြီး လူထုသပိတ်များ ဆင်နွှဲခြင်း အစရှိသည့် အဆင်သင့်ရာ လှုပ်ရှားမှုများကို ကြိုက်နှစ်သက်သလို ဖော်ဆောင်နိုင်ပြီး အခြေအနေပေးသည့် ပြည်သူများအနေနှင့် ဒီလှုပ်ရှားမှု ပုံရိပ်များကို အွန်လိုင်း လူမှုကွန်ရက်များတွင် မျှဝေကြနိုင်မည် ဖြစ်သည်။