ဖားကန့်မြို့ အထွက် ၆ မိုင်တွင် တိုက်ပွဲပြင်းထန်နေပြီး စစ်တပ်က ဂျက်ဖိုက်တာ ၂ စီးဖြင့် ဗုံးကျဲနေ
ရန်ကုန်၊ ဖေဖော်ဝါရီ ၁၁
ကချင်ပြည်နယ်၊ ဖားကန့်မြို့ အထွက် ၆ မိုင်တွင် KIA နှင့် အကြမ်းဖက် စစ်တပ်တို့ တိုက်ပွဲပြင်းထန်နေပြီး စစ်တပ်က ဂျက်ဖိုက်တာ ၂ စီးဖြင့် ဗုံးကျဲနေကြောင်း KIA စစ်ရေး သတင်းရင်းမြစ်က ရန်ကုန်ခေတ်သစ် မီဒီယာသို့ ပြောဆိုသည်။
ယနေ့ ဖေဖော်ဝါရီလ ၁၁ ရက်နေ့ နံနက် ၇ နာရီခန့်တွင် ဖားကန့်မြို့မှ ထွက်လာသည့် အကြမ်းဖက် စစ်တပ်၏ တပ်မ ၃၃ စစ်ကြောင်းကို KIA က ၆ မိုင်အရောက်တွင် ကြားဖြတ်တိုက်ခိုက်ခဲ့ပြီး ထိတွေ့တိုက်ပွဲ ပြင်းထန်နေကာ စစ်တပ်ဘက်မှ ထိခိုက်သေဆုံးသူ များပြား သောကြောင့် ဂျက်ဖိုက်တာ ၂ စီးဖြင့် ဗုံးကျဲနေကြောင်း သိရသည်။
“ဒီနေ့ နံနက် ၇ နာရီမှာ ဖားကန့် အထွက် ၆ မိုင်မှာ တိုက်ပွဲပြင်းထန်နေတယ်။ စစ်ခွေးတွေ ထိခိုက်သေဆုံးတာများတယ်။ ဖားကန့်က ထွက်လာတဲ့ တပ်မ ၃၃ စစ်ကြောင်းကို ၆ မိုင်မှာ KIA က ဖြတ်တိုက်နေတာ စစ်ခွေးတွေကလည်း ဂျက်ဖိုက်တာ ၂ စီးနဲ့ ဗုံးလာကျဲနေတယ်” ဟု KIA စစ်ရေး သတင်းရင်းမြစ်က ပြောဆိုသည်။
![Pinterest](https://pinterest.com/pin/create/button/?url=https://yktnews.com/2024/02/145150/&media=https://yktnews.com/wp-content/uploads/2024/02/426525055_750836567143952_6561651555595849485_n.jpg&description="ဒီနေ့ နံနက် ၇ နာရီမှာ ဖားကန့် အထွက် ၆ မိုင်မှာ တိုက်ပွဲပြင်းထန်နေတယ်။ စစ်ခွေးတွေ ထိခိုက်သေဆုံးတာများတယ်။ ဖားကန့်က ထွက်လာတဲ့ တပ်မ ၃၃ စစ်ကြောင်းကို){kind=link}