ဒီကနေ့ နိုဝင်ဘာ ၁ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
- အကြမ်းဖက် စစ်ခေါင်းဆောင် မင်းအောင်လှိုင်က ၈ ကြိမ်မြောက် မဲခေါင်နိုင်ငံများ အစည်းအဝေး တက်ဖို့ နိုဝင်ဘာလ ၅ ရက်နေ့မှာ တရုတ်နိုင်ငံကို သွားဖို့ လုပ်နေပြန်ပြီး နိုဝင်ဘာလလ ၁၀ ရက်နေ့မှာ မြန်မာနိုင်ငံပြန်ရောက်မှာဖြစ်တယ်လို့ နေပြည်တော် စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။
- ရှမ်းပြည်နယ်မြောက်ပိုင်းက ညီနောင်မဟာမိတ်တပ်တွေ သိမ်းပိုက်ထားတဲ့ ကွတ်ခိုင်မြို့ကို အကြမ်းဖက် စစ်ကောင်စီတပ်က ဒီကနေ့ မနက်ပိုင်းမှာပဲ လေယာဉ်နဲ့ ဗုံးကျဲချမှုကြောင့် အရပ်သားပြည်သူ ၁ ဦး သေဆုံးသွားခဲ့ပြီး ဒဏ်ရာ ရတဲ့သူတွေလည်း ရှိထားတယ်လို့ ဒေသခံ သတင်းရင်းမြစ်တွေက ပြောပါတယ်။
- မန္တလေးတိုင်း၊ တောင်သာမြို့နယ်မှာ ဂိတ်ဖွင့်ပြီး စစ်ဆေးရေး လုပ်နေတဲ့ အကြမ်းဖက် စစ်ကောင်စီ တပ်သားတွေကို တော်လှန်ရေးပူးပေါင်းတပ်တွေက ပစ်ခတ်တိုက်ခိုက်ခြေမှုန်းရာမှာ PDF တွေလာနေပြီလို့ သွားပြီး သတင်းပေးတဲ့ ရဲသတင်းပေး မောင်မြအပါအဝင် စစ်ကောင်စီတပ်ဖွဲ့ဝင် ၃ ဦး သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
