ယင်းမာပင်မြို့နယ်၊ ကပိုင်ရွာကို တိုက်ပွဲဖြစ်ပွားခြင်း မရှိဘဲ စစ်တပ်က တိုက်လေယာဥ်ဖြင့် ပစ်ခတ်
ရန်ကုန်၊ မေ ၂၉
စစ်ကိုင်းတိုင်း၊ ယင်းမာပင်မြို့နယ်၊ ကပိုင်ရွာကို အကြမ်းဖက် စစ်တပ်က တိုက်ပွဲဖြစ်ပွားခြင်း မရှိဘဲ တိုက်လေယာဥ်ဖြင့် ပစ်ခတ်ခဲ့ကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
ယနေ့ မေလ ၂၉ ရက်နေ့ မွန်းလွဲ ၁ နာရီ ၄၈ မိနစ်နှင့် ၂ နာရီ ၄၆ မိနစ်တို့ တွင် ယင်းမာပင်မြို့နယ်၊ ကပိုင်ရွာကို အကြမ်းဖက် စစ်တပ်က တိုက်ပွဲဖြစ်ပွားခြင်း မရှိဘဲ တိုက်လေယာဉ်ဖြင့် ၂ ကြိမ် ပစ်ခတ် တိုက်ခိုက်ခဲ့ကြောင်း သိရသည်။
“တိုက်လေယာဉ်နဲ့ ၂ ကြိမ်လာပစ်သွားတာ ကပိုင်ရွာရဲ့ အနောက်တောင်ဘက် ရွာထဲကျတယ်။ ၁ နာရီ ၄၈ မိနစ်မှာ တစ်ကြိမ်၊ ၂ နာရီ ၄၆ မိနစ်လောက်မှာ တစ်ကြိမ် တိုက်ပွဲ ဖြစ်တာ မရှိဘဲ လာပစ်သွားတာ လူအထိအခိုက်တော့ အသေးစိတ်မသိရသေးဘူး။ ရွာထဲမှာက လူတွေ ရှိတယ်” ဟု ပြည်သူတစ်ဦးက ပြောဆိုသည်။
