ရန်ကုန်၊ ဧပြီ ၁၆
မကွေးတိုင်း၊ ရေနံချောင်းမြို့နယ်၊ ဆယ်ရွာကျေးရွာအုပ်ချုပ်ရေးမှူး ရာတင်သည် စစ်မှုထမ်းဥပဒေဖြင့် တပ် သားသစ် စုဆောင်းရန် စာရင်းပြုစုနေစဉ် ပစ်ခတ်ခံရပြီး ကြောက်လန့်တကြား အော်ဟစ် ထွက်ပြေးသော်လည်း မလွတ်ဘဲ သေဆုံးသွားကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။
ဧပြီလ ၁၅ ရက်နေ့ ည ၉ နာရီအချိန် မကွေးတိုင်း၊ ရေနံချောင်းမြို့နယ်၊ ရုံးကုန်းအုပ်စု၊ ဆယ်ကျေးရွာအုပ်ချုပ်ရေးမှူး ရာတင်သည် နေအိမ်တွင် တပ်သားသစ်စုဆောင်းရေး စာရင်းပြုစုနေစဉ် အိမ်အတွင်းသို့ သေနတ်သမားများက ဝင်ရောက်ပစ်ခတ်ရာ ပထမတစ်ချက်နောက်ကျောမှန်ပြီး ထွက်ပြေးခဲ့ကြောင်း၊ ထိုသို့ ထွက်ပြေးနေစဉ် သေနတ်သမားလိုက်လံပစ်ခတ်ရာ ကျည် ၆ ချက်တိတိမှန်၍ နေရာတွင်ပင် ပွဲချင်းပြီး သေဆုံးကြောင်း သိရှိရသည်။
“သေနတ်သမားတွေ အိမ်ထဲဝင်ပစ်တော့ အဲဒါ ပထမအချက် နောက်ကျောမှန်တယ်။ သူက မလုပ်ပါနဲ့ ကြောက်ပါပြီဗျ ဆိုပြီး အော် ပြေးရင်း ပြေးရင်းနဲ့ ကျည် ၆ ချက် ထိပြီး ပွဲချင်းပြီး သေတယ်” ဟု အခင်းဖြစ်စဉ်ကို တွေ့မြင်ကြားသိရသူတစ်ဦးက
ဆယ်ကျေးရွာ အုပ်ချုပ်ရေးမှူး ရာတင်သည် စစ်ကောင်စီ ခိုင်းစေသမျှ တသွေမတိမ်း လိုက်လံ လုပ်ဆောင်နေသူဖြစ်ပြီး ပြည်သူလူထုအားခြိမ်းခြောက်ငွေတောင်းခြင်း၊ စစ်မှုထမ်းရန်လူသစ်စုဆောင်းပေးနေသောကြောင့် ယင်းမြို့နယ်တွင် နာမည်ဆိုးကျော်ကြားနေသူလည်းဖြစ်ကြောင်း သိရှိရသည်။
လက်ရှိတွင် ဆယ်ကျေးရွာဘက်တွင် စစ်တပ်က ဝင်ရောက်လာပြီး အုပ်ချုပ်ရေးမှူး ရာတင် ပစ်ခတ်ခံ၍ သေဆုံးမှုကို စစ်ဆေးနေကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar #ဆယ်ရွာကျေးရွာအုပ်ချုပ်ရေးမှူး ရာတင် #စစ်မှုထမ်းဥပဒေဖြင့် တပ်သားသစ် စုဆောင်း #ပစ်ခတ်ခံရ
