ကနေဒါနိုင်ငံ၊ ဗန်ကူဗာမြို့တွင် NUG ဝန်ကြီး ဦးအောင်မျိုးမင်းနှင့် မြန်မာလူထုတွေ့ဆုံပွဲ ပြုလုပ်
ရန်ကုန်၊မေ ၁၉
ကနေဒါနိုင်ငံ၊ ဗန်ကူဗာမြို့၊ ဗြိတိသျှကိုလမ်ဘီယာတက္ကသိုလ် (University of British Columbia) တွင်လူ့အခွင့်အရေးဆိုင်ရာ ပြည်ထောင်စုဝန်ကြီး ဦးအောင်မျိုးမင်းသည် “ဒီမိုကရေစီ ထွန်းကားသော နှင့် ခွဲခြားမှုကင်းရှင်းစွာဖြင့် အများပါဝင်နိုင်သော မြန်မာပြည်ကို ပုံဖော်ခြင်း (Charting Democratic and Inclusive Myanmar)” အမည်ဖြင့် လူထုတွေ့ဆုံဆွေးနွေးပွဲတစ်ခုကို မေလ ၁၈ ရက်နေ့တွင် ပြုလုပ်ခဲ့ ကြောင်း သိရှိရသည်။
အဆိုပါ လူထုတွေ့ဆုံဆွေးနွေးပွဲသို့ ကနေဒါနိုင်ငံရောက် မြန်မာတိုင်းရင်းသားအင်အားစုများ၊ သုတေသီများနှင့် စိတ်ပါဝင်စားသူများ တက်ရောက်ခဲ့ကြပြီး သိရှိလိုသည်များ အပြန်အလှန်မေးမြန်းဆွေးနွေးခဲ့ကြကြောင်း သိရှိရသည်။
