တောင်ကိုရီးယားနိုင်ငံ ၂၀၂၄ ဂွမ်ဂျူးလူ့အခွင့်ရေးဆုပေးပွဲသို့ NUG ဝန်ကြီးများ တက်ရောက်
ရန်ကုန်၊ မေ ၁၉
တောင်ကိုရီးယားနိုင်ငံ ၂၀၂၄ ဂွမ်ဂျူးလူ့အခွင့်ရေးဆုပေးပွဲကို အမျိုးသားညီညွတ်ရေးအစိုးရ-NUG နိုင်ငံခြားရေးဝန်ကြီး ဒေါ်ဇင်မာအောင်၊ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှု ဝန်ကြီး ဦးတင်ထွန်းနိုင်တို့က မေ ၁၈ ရက်နေ့ ညနေပိုင်းတွင် တက်ရောက်ခဲ့ကြကြောင်း သိရှိရသည်။
၂၀၂၄ ခုနှစ် ဂွမ်ဂျူးလူ့အခွင့်ရေးဆုရှင်ကို သီရိလင်္ကာနိုင်ငံမှ အမျိုးသမီးများ နှိပ်စက်ညှဉ်းပန်းမှု တိုက်ဖျက် ရေး လှုပ်ရှားသူ Suganthini Mathiyamuthan Thangarasa က ရရှိခဲ့ကြောင်း၊ အဆိုပါ ဂွမ်ဂျူးလူ့အခွင့်ရေးဆုကို ဒေါ်အောင်ဆန်းစုကြည် က ၂၀၀၄ ခုနှစ်တွင်လည်းကောင်း ၊ ဦးမင်းကိုနိုင် က ၂၀၀၉ ခုနှစ် တွင်လည်းကောင်း၊ ဒေါက်တာစင်သီယာမောင် က ၂၀၂၂ ခုနှစ်တွင်လည်းကောင်း အသီးသီး ချီးမြှင့်ခံခဲ့ရကြောင်း သိရှိရသည်။
