ဒီကနေ့ မေ ၂၇ ရက် မနက်ပိုင်း တင်ဆက်ပေးမယ့် သတင်းတွေကတော့
- ကရင်ပြည်နယ်၊ ကော့ကရိတ်မြို့နယ်၊ ထိုင်း-မြန်မာနယ်စပ်က စစ်ကောင်စီရဲ့ အင်အားကြီး အထိုင်စခန်း ဖြစ်တဲ့ ဖိုးချီးမူးစစ်စခန်းကို KNLA ဦးဆောင်တဲ့ မဟာမိတ်တပ်တွေက တိုက်ခိုက် သိမ်းပိုက်လိုက်ပြီး စစ်သား ၄၈ ဦး အရှင်ဖမ်းဆီးရရှိပြီး စစ်သား ၂၀ ကျော် သေဆုံးကာ လက်နက် ၅၀ ကျော် သိမ်းဆည်းရရှိတယ်လို့ အထူးစစ်ဆင်ရေးတပ်ဖွဲ့ (S.O.F) ရဲ့ တာဝန်ခံ ကိုအောင်စံရှားက ရန်ကုန်ခေတ်သစ်သတင်းဌာနကို ပြောပါတယ်။
- စစ်ကိုင်းတိုင်း၊ စစ်ကိုင်း-ရွှေဘို ခရိုင်ချင်းဆက်လမ်းပိုင်းမှာ ငွေကြေးတောင်းရမ်းနေတဲ့ စစ်သားတွေကို တိုက်ခိုက်ရာ အကြမ်းဖက်စစ်တပ်ဘက်က ၁၀ ဦးထက်မနည်း သေဆုံးနိုင်တယ်လို့ စစ်ကိုင်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူတစ်ဦးက ပြောပါတယ်။
- ကချင်ပြည်နယ်၊ ဝိုင်းမော်မှာ ဗုံးကျဲလေယာဉ် Y-12 တစ်စီး ပျက်ကျတယ်ဆိုတဲ့သတင်းတွေ ထွက်ပေါ်လာ တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
