ရန်ကုန်၊ နိုဝင်ဘာ ၂၆
ပဲခူးတိုင်း၊ ကျောက်ကြီးမြို့နယ်၊ ခမရ- ၅၈၉ တပ်ရင်းမှ စစ်မှုထမ်းသင်တန်း အပတ်စဉ် ၂ ဆင်း တပ်သားသစ် ၁ ဦး သေနတ် ၁ လက်နှင့် ကျည်များယူဆောင်လာပြီး အလင်းဝင်လာကြောင်း KNUဗဟိုက သတင်းထုတ်ပြန်သည်။
နိုဝင်ဘာလ ၁၄ ရက်နေ့တွင် ကျောက်ကြီးမြို့နယ်၊ တပ်ရင်း ၉ နယ်မြေအတွင်းရှိ ခမရ – ၅၈၉ တပ်ရင်းတွင် တာဝန် ထမ်းဆောင်ခဲ့သော စစ်မှုထမ်းသင်တန်း အပတ်စဉ် ၂ ဆင်းထားသူ ကျော်မင်းအောင်သည် ကရင်အမျိုးသားလွတ်မြောက် ရေးတပ်မတော် (K.N.L.A) တပ်ရင်း ၉ ထံကို အလင်းဝင်ရောက်ခဲ့ခြင်းဖြစ်ကြောင်း သိရသည်။
အလင်းဝင်ရောက်လာသော စစ်မှုထမ်း သင်တန်းဆင်း ကျော်မင်းအောင်သည် MA-3 သေနတ် ၁ လက်၊ ကျည်ဘောက် ၅ ခု၊ လက်ပစ်ဗုံး ၁ လုံး နှင့် ၅ ဒသမ ၅၆ ကျည် ၁၅၀ တောင့်တို့ ယူဆောင်လာသောကြောင့် ဆုငွေ ကျပ် ၁၀ သိန်း ချီးမြင့် ပေးအပ်ခဲ့ကြောင်းသိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
