မြင်းမူမြို့ပေါ်ရှိ စစ်တပ်အထိုင်စခန်းများကို တော်လှန်ရေးတပ်များက တိုက်ခိုက်မှု စစ်တပ်ဘက်မှ ၃ ဦးသေဆုံးပြီး တပ်မိသားစုဝင် ၂ ဦးအရှင်ဖမ်းဆီးရရှိ

ရန်ကုန်၊ ဖေဖော်ဝါရီ ၂

စစ်ကိုင်းတိုင်း၊ မြင်းမူမြို့ပေါ်ရှိ စစ်တပ်အထိုင်စခန်းများကို တော်လှန်ရေးတပ်များက ဝင်ရောက်တိုက်ခိုက်ရာ စစ်တပ်ဘက်မှ ၃ ဦးသေဆုံးပြီး တပ်မိသားစုဝင် ၂ ဦးကို အရှင်းဖမ်းဆီးရရှိကြောင်း တော်လှန်ရေးတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဖေဖော်ဝါရီလ ၁ ရက်နေ့ နံနက်၉ နာရီ ၄ မိနစ်အချိန်မှစ၍ မြင်းမူမြို့ပေါ်ရှိ စစ်ကောင်စီတပ် အထိုင်စခန်းများကို DK MMU.အဖွဲ့ ၊ P.K.D.F.MMU.အဖွဲ့ ၊ ဒေါင်း ဘုရင် MMU.အဖွဲ့ ၊ ဇေရာရွှေမြေ MMU အဖွဲ့၊ ဖိုက်တာ MMU.အဖွဲ့ ၊ မိုးညို MMU.အဖွဲ့၊ ရ.သ.လ. ပ.က.ဖ.အဖွဲ့တို့က ပူးပေါင်းတိုက်ခိုက်ခဲ့ရာ စစ်ကောင်စီတပ်ဘက်မှ ၃ ဦးသေဆုံးပြီး ၇ ဦးထိခိုက်ဒဏ်ရာရရှိကြောင်း၊ တိုက်ပွဲအချိန် ၄၅ မိနစ်ကြာမြင်ခဲ့ကြောင်း သိရှိရသည်။

စစ်ကောင်စီတပ်အထိုင်စခန်းမှ တပ်ကြပ် ကျော်နိုင်၏ ဇနီးနှင့် သမီး ၂ ဦးကို အရှင်ဖမ်းဆီးရရှိခဲ့ပြီး ၎င်းတို့ ၂ ဦးကို မြင်းမူမြို့ပြည်သူ့အုပ်ချုပ်ရေးအဖွဲ့များထံသို့ လွှဲပြောင်းပေးအပ်လိုက်ကြောင်း သိရှိရသည်။

ဓာတ်ပုံ- ယမန်နေ့ မြင်းမူမြို့ပေါ်ရှိ စစ်တပ်အထိုင်စခန်းများကို တော်လှန်ရေး တပ်ဖွဲ့မှ ရဲဘော်တစ်ဦးက ပစ်ခတ်နေစဉ်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup