ကိုဖုန်းမော်နေ့ အမှတ်တရ ၃၆ နှစ်မြောက် နှစ်ပတ်လည် အခမ်းအနား ကရင်နီတွင် ပြုလုပ်
ရန်ကုန်၊ မတ် ၁၄
ကရင်နီဒေသတွင် ကိုဖုန်းမော်၊ ကိုစိုးနိုင် ကျဆုံးခြင်း ၃၆ နှစ်မြောက် နှစ်ပတ် လည် အခမ်းအနားကို ကရင်နီဒေသ တစ်နေရာတွင် ကျင်းပပြုလုပ်ခဲ့ကြောင်း သိရသည်။
အဆိုပါ အခမ်းအနားတွင် သမဂ္ဂခွပ်ဒေါင်းအောင်လံတော်နှင့် ခေတ်အဆက်ဆက် ဒီမိုကရေစီရေး တိုက်ပွဲများတွင် အသက်ပေးလှူသွားကြသော နောင်တော် ကျောင်းသား ရဲဘော်များ၊ ကိုဖုန်းမော်၊ကိုစိုးနိုင် တို့ကို အလေးပြုခြင်း၊ ပေးပို့လာသော သဝဏ်လွှာများကို ဖတ်ကြားခြင်း၊ ကဗျာရွတ်ဖတ်ခြင်းနှင့် ဗ.က.သ ရဲဘော်ဟောင်း၊ ၈၈ မျိုးဆက်ဟောင်းများက အမှတ်တရ စကားပြောကြားခြင်းများ ပြုလုပ်ခဲ့ကြောင်း သိရသည်။
