27 C
Yangon

ပခုက္ကူမြို့နယ်တွင် စစ်ရေး အရှိန်မြှင့်တင်ရန် PDF ၃ ဖွဲ့ပူးပေါင်း၊ လက်နက်တပ်ဆင်ခြင်း အခမ်း အနားပါ ပြုလုပ်

Must read

ပခုက္ကူမြို့နယ်တွင် စစ်ရေး အရှိန်မြှင့်တင်ရန် PDF ၃ ဖွဲ့ပူးပေါင်း၊ လက်နက်တပ်ဆင်ခြင်း အခမ်း အနားပါ ပြုလုပ်

ရန်ကုန်၊ မတ် ၂၉

မကွေးတိုင်း၊ ပခုက္ကူခရိုင်၊ ပခုက္ကူမြို့နယ်တွင် စစ်ရေးအရှိန်မြှင့်တင်နိုင်ရန် PDF ၃ ဖွဲ့ပူးပေါင်းခြင်းနှင့် လက်နက်တပ်ဆင်ခြင်းအခမ်းနား ကျင်းပပြုလုပ်ခဲ့ကြောင်း Pakokku People Defense Force – PPDF မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ယနေ့ မတ်လ ၂၉ ရက်နေ့တွင် ပခုက္ကူမြို့နယ် အခြေစိုက်တပ်ဖွဲ့များဖြစ်သည့် Pakokku People Defense Force – PPDF ၊ Young Force – UG နှင့် Earthquake PDF တို့ ပူးပေါင်းခြင်း နှင့် လက်နက်တပ်ဆင်ခြင်းအခမ်းအနားကို ပခုက္ကူမြို့နယ်၊ လွတ်မြောက်နယ်မြေတနေရာ၌ ကျင်းပ ခဲ့ခြင်းဖြစ်ပြီး စုဖွဲ့မှုအခမ်းအနားကို PDF တပ်ဖွဲ့မှ ရဲဘော် ၇၀ ကျော် တက်ရောက်ခဲ့ကြောင်း သိရ သည်။

ထို့ပြင် အဖွဲ့အစည်း ၃ ဖွဲ့စလုံး၏ နာယကများ၊ အဖွဲ့အစည်းခေါင်းဆောင်များ တက်ရောက်ခဲ့ကာ စည်းလုံးရေး၊ စစ်ရေး နှင့် နိုင်ငံရေး စသည့် အရေးကြီးသည့် အချက်အလက်များ၊ စစ်သည်တော်များ လိုက်နာရမည့် စစ်စည်းမျဉ်း၊ စည်းကမ်းများ၊ လက်နက် ကိုင် နည်းဥပဒေ လမ်းစဉ်များကိုတိကျ သေ ချာစွာ လိုက်နာရန်၊ နွေဦးတော်လှ.န်ရေး၏ အဓိက အသက်သွေးကြောဖြစ်သည့် ပြည်သူလူထု တစ်ရပ်လုံးအား အစဉ်အမြဲ ဦးထိပ်ပန်ဆင်လေးစားရန်၊ ယခင်ထက် ပိုမိုကောင်းမွန် ကျစ်လစ်ခိုင်မာ သော စုဖွဲ့မှုအင်အားစုဖြစ်စေရန်၊ပြည်သူလူထု၏ ထောက်ပံ့ကူညီမှုဖြင့် ရရှိသော လက်နက်များနှင့် စစ် အသုံးအဆောင်ပစ္စည်းများကို အသက်နှင့်ရင်း၍ လေးစားတန်ဖိုးထားရန် အစရှိသည့် ရဲဘော် တစ်ဦး ချင်းစီ လုပ်ဆောင်ရမည့် လုပ်ငန်းတာဝန်များကို မိန့်ခွန်းပြောကြားခဲ့ကြောင်း သိရသည်။

- Advertisement -spot_img

More articles

- Advertisement -spot_imgspot_imgspot_imgspot_img

Latest article