နယူးဇီလန် Labour Party လွှတ်တော်ကိုယ်စားလှယ်များနှင့် NUG လူ့အခွင့်အရေးဝန်ကြီးတို့ တွေ့ဆုံပြီး မြန်မာ့အရေးဆွေးနွေး
ရန်ကုန်၊မေ ၉
NUG အမျိုးသားညီညွတ်ရေး အစိုးရ ၏ လူ့အခွင့်အရေးဆိုင်ရာ ပြည်ထောင်စုဝန်ကြီး ဦးအောင်မျိုးမင်းသည် နယူးဇီလန်နိုင်ငံ၏ အတိုက်အခံ Labour Party မှ လွှတ်တော်ကိုယ်စားလှယ်များနှင့် မေလ ၉ ရက်နေ့တွင် တွေ့ဆုံပြီး မြန်မာ့အရေးနှင့်စပ်လျဉ်း၍ အပြန်အလှန်ဆွေးနွေးမှုများပြုလုပ်ခဲ့ကြောင်း သိရှိရသည်။
ထို့ပြင် နယူးဇီလန်နိုင်ငံ၏ Council of Trade Unions ၏ President Mr. Richard Wagstaff ဦးဆောင်သည့် ကိုယ်စားလှယ်အဖွဲ့နှင့်လည်း မေလ ၈ ရက်နေ့က တွေ့ ဆုံ၍ အကြမ်းဖက်စစ်ကောင်စီ၏ အဓမ္မလုပ်အားစေခိုင်းမှုများအပါအဝင် အလုပ်သမားများနှင့် အသင်းအဖွဲ့များ လွတ်လပ်ခွင့်ချိုးဖောက်မှုဆိုင်ရာ ကိစ္စရပ်များနှင့် စပ်လျဉ်း၍ ဆွေးနွေးမှုများ လုပ်ဆောင်ခဲ့ကြောင်း သိရှိရသည်။
